ვმუშაობთ ყოველდღე<br />
12.00-19.00 სთ<br />
ორშაბათის გარდა!<br />
<br />

ვმუშაობთ ყოველდღე
12.00-19.00 სთ
ორშაბათის გარდა!

ჩასაწერად, დაგვიკავშირდით: 592042910

საბავშვო
ზეიმები

საბავშვო<br> ზეიმები

დაბადების დღეები, გამოსაშვები და  სხვა  საბავშვო დღესასწაულები მუზეუმში —  ორიგინალური, შემეცნებითი და სახალისოა

დეტალურად

ქიმიური
შოუ

ქიმიური<br> შოუ

შემეცნებითი დღესასწაულები ქიმიური ცდებითა და  სამეცნიერო ექსპერიმენტებით ბავშვებსა და უფროსებს დიდხანს  ემახსოვრებათ.

დეტალურად

ექსპერიმენტორიუმი — სახალისო მეცნიერებათა მუზეუმი

ვინ თქვა, რომ მუზეუმი და მეცნიერება მოსაწყენია? ჩვენ — სამეცნიერო მუზეუმი, სრულიად შეგიცვლით მეცნიერებისა და მუზეუმების შესახებ წარმოდგენას, ჩვენს ექსპონატებს შეგიძლიათ შეეხოთ, გამოსცადოთ, დააგდოთ, გატეხოთ, ააწყოთ და დაშალოთ. ჩვენთან წარმოდგენილია 80-მდე ექსპონატი, რომლებიც ახდენენ ფიზიკის, ბიოლოგიის, მათემატიკისა და ანატომიის კანონების დემონსტრირებას. იგრძენით თავი ნამდვილ მეცნიერად — ვინ იცის, იქნებ ხვალ თქვენ აღმოაჩინოთ ახალი კანონი! გაზომეთ ყვირილის ძალის სიძლიერე, დაჯექით ლურსმნებზე, აწიეთ მეგობარი ჰაერში, დაიჭირეთ ხელში ელვა, დახატეთ ქვიშით და იგრძენით თავი როკ-ვარსკვლავად დრამთან — ყველა ექსპონატი ინტერაქტიულია, ანუ მათთან შესაძლებელია და საჭიროა ურთიერთკავშირი. ასევე, ჩვენთან შესაძლებელია სიცილი და ხმამაღლა საუბარი. ექსპერიმენტორიუმი — ქალაქის ყველაზე უჩვეულო მუზეუმია. მობრძანდით ექსკურსიაზე, ჩაატარეთ ექსპერიმენტები, აღნიშნეთ დღესასწაულები და დაბადების დღეები, მიიღეთ მონაწილეობა სამეცნიერო შოუებში და შეცვალეთ თქვენი წარმოდგენა მეცნიერებისა და მუზეუმების შესახებ. რაც მთავარია, არ დაგავიწყდეთ ესტუმროთ ინტელექტუალთა კაფეს.

ხშორად დასმული შეკითხვები:

რომელ დღეებში მუშაობთ?

— მუზეუმი მუშაობს ყოველდღე, ორშაბათის გარდა. 12 საათიდან საღამოს 7 საათამდე.

ტერიტორიულად სად ხართ?

— 9 აპრილის #5 (პარლამენტსა და ახალგაზრდობის სასახლეს შორის ამოსასვლელ ქვაფენილზე, უშიშროების მოპირდაპირედ)

მხოლოდ ერთი ბავშვის მოყვანა შეიძლება?

— რა თქმა უნდა, ეს მუზეუმია და როგორც ყველა მუზეუმში ნებისმეირ ვიზიტორს შეუძლია მოსვლა.

მხოლოდ ბავშვებისთვისაა?

— მუზეუმს არ აქვს ასაკობრივი შეზღუდვა. ჩვენი კარი ნებისმიერი ასაკის ვიზიტორისთვის ღიაა.

3 ან 4 წლის ბავშვისთვის შეიძლება? რამეს გაიგებს?

— ვერ შეგპირდებით რომ მუზეუმიდან გასულზე ფარდობითობის თეორიას ჩაწვდებიან, მაგრამ ძალიან კარგად გაერთობიან და მეცნიერებისადმი ინტერესი გაუჩნდებათ.

საშიში არაა?

— არა! მუზეუმები საშიში არაა!

ბავშვის მარტო შემოშვება შეიძლება?

— 14 წლამდე ბავშვების უფროსის გარეშე არ დაიშვებიან.

ბილეთი რა ღირს?

— 20 ლარი, ნებისმიერი ასაკისთვის. ბილეთის ფასში შედის ფიზიკის მუზეუმში ინტერაქტიული ტური, ქიმიური ექსპერიმენტები და გიდის მომსახურება.

რომელ საათებში გაქვთ პროგრამები?

— პროგრამები იწყება: 12.00, 13.20, 14.40, 16.00 და 17.20 სთ-ებზე.

რამდენი ხანი გრძელდები მუზეუმში ვიზიტი?

— 1 საათი და 20 წუთი.

ბარათით გადახდა შეიძება?

— შესაძლებელია როგორც ნაღდი, ასევე უნაღდო ანგარიშსწორება.

წინასწარი ჩაწერა საჭიროა?

— არსებული რეგულაციების გამო, მუზეუმში ვიზიტორების რაოდენობა კონტროლდება. ამიტომ, აუცილებელია წინასწარი ჩაწერა — 0322475737

პირბადის ტარება აუცილებელია?

— პირბადის ტარება აუცილებელია ყველა ვიზიტორისთვის.

სკოლის ჯგუფებს იღებთ? და რა სახის პირობები მოქმედებს?

— რა თქმა უნდა. დეტალური ინფორმაციისთვის მოგვწერეთ აქ ან დაგვირეკეთ — 0322475737.

თქვენთან დაბადების დღის გადახდა შესაძლებელია?

— დიახ, შესაძლებელია. პროგრამები და ფასები შეგიძლიათ ნახოთ ამ ლინკზე — ჩასაწერად ან დამატებითი ინფორმაციისთვის, უნდა დაუკავშირდეთ ივენთ მენეჯერს — 592042910

თქვენი გამოძახება შეიძლება?

— შოუს ჩასატარებლად, კი  გასვლითი პროგრამები შეგიძლიათ ნახოთ ამ ლინკზე — დამატებითი ინფორმაციისთვის ან ჩასაწერად, უნდა დაუკავშირდეთ ივენთ მენეჯერს — 592042910

მეცნიერული კულინარია როდის გაქვთ?

— მეცნიერული კულინარია ანონსდება წინასწარ, ჩვენს Facebook გვერდზე, დეტალური ინფორმაციით.

მუზეუმის სკოლა რას ნიშნავს?

— მუზეუმის სკოლა არის „ექსპერიმენტორიუმის“ პროექტი, რომლიც აერთიანებს 10 გაკვეთილს (5-7 და 8-12 წლის ჯგუფებისთვის) ფიზიკაში, ქიმიასა და ბიოლოგიაში. მუზეუმის სკოლის შესახებ დეტალური ინფორმაციის მისაღებად, მოგვწერეთ აქ.

მხოლოდ თბილისში ხართ?

— სამწუხაროდ, კი.

ვმუშაობთ ყოველდღე (ორშაბათის გარდა) 12.00-19.00 სთ. მუზეუმი მდებარეობს თბილისის ისტორიულ ცენტრში — ინგოროყვას ქ. №17 (ინგოროყვასა და 9 აპრილის ქუჩების კვეთა, პარლამენტის შენობის უკან) — საკონტაქტო ინფორმაცია